වවුනියාව ප්රදේශයේ දී දුම්රියේ ගැටී කාන්තාවක් ජීවිතක්ෂයට පත් ව තිබෙනවා.
මෙම අනතුර සිදු ව ඇත්තේ ඊයේ (10) පුලියන්කුලම හා ඕමන්ත අතර ප්රදේශයේදීයි.
යාපනය සිට වවුනියාව දෙසට ධාවනය වූ දුම්රියේ අදාළ කාන්තාව ගැටී මෙම අනතුර සිදු ව ඇති බව පොලිසිය පැවසුවා.
කාන්තාව දුම්රිය මාර්ගයේ ගමන් කරමින් සිටියදී මෙම අනතුරට ලක් ව තිබෙනවා.
එම ස්ථානයේ දී ම කාන්තාව ජීවිතක්ෂයට පත් ව ඇති අතර ඇයගේ අනන්යතාව මෙතෙක් හෙළි ව නැහැ.
මරණකාරිය වයස අවුරුදු 35-45ත් අතර වයසේ පසුවන්නියක්.
ඕමන්ත පොලිසිය වැඩිදුර පරීක්ෂණ පවත්වනවා.
