දක්ෂිණ අධිවේගී මාර්ගයේ 138 වැනි කිලෝමීටර් කණුව අසල දී සිදු වූ රිය අනතුරකින් එක් පුද්ගලයෙකු ජීවිතක්ෂයට පත් ව තවත් 12 දෙනෙකු තුවාල ලබා රෝහල්ගත කෙරුණා.
මෙම අනතුර අද (17) අලුයම 05ට පමණ සිදු ව ඇති අතර සිමෙන්ති ප්රවාහනය කරමින් තිබූ ලොරි රථයක පිටුපස විදේශිකයින් ප්රවාහනය කරමින් තිබූ සංචාරක සුඛෝපභෝගී බස් රියක් ගැටී ඇති බවයි වාර්තා වූයේ.
අනතුරින් අවාසනාවන්ත ලෙස මියගොස් ඇත්තේ බස් රියෙහි රියදුරුවරයායි.
එක් දරු පියෙකු වන මෙම මරණකරු සංචාරකයින් රැගෙන ඇල්ල හරහා නුවරඑළියට ගොස් පැමිණෙන බවයි දන්වා ඇත්තේ.
රියදුරුගේ බිරිඳ වසරකට පමණ විදේශගත වී තිබෙන අතර ඔහුගේ දරුවා අවුරුදු 03ක් වන පිරිමි දරුවෙකු බවත් වාර්තා වනවා.
සිද්ධිය සම්බන්ධයෙන් පොලිස් විමර්ශන ක්රියාත්මකයි.
