අධිකරණයට අපහාස කළ බවට කොටුව මහේස්ත්රාත්වරයා විසින් තමන් සම්බන්ධයෙන් කර තිබෙන නිගමනය අභියෝගයට ලක් කරමින් පාර්ලිමේන්තු මන්ත්රී දිලිත් ජයවිර විසින් අභියාචනාධිකරණයට රිට් පෙත්සමක් ඉදිරිපත් කර තිබෙනවා.
මෙම පෙත්සම අද අභියාචනාදිකරණයේ සභාපති විනිසුරු රොහාන්ත අබේසූරිය සහ ප්රියන්ත ප්රනාන්දු යන මහත්වරුන්ගෙන් සමන්විත අභියාචනාධිකරණ කරන විනිසුරු මඩුල්ල ඉදිරියේ කැඳවනු ලැබුවා.
එම අවස්ථාවේදී පෙත්සම්කාර දිලිත් ජයවීර වෙනුවෙන් පෙනී සිටි ජනාධිපති නීතිඥ අලි ශබ්රි අධිකරණය හමුවේ කරුණු දක්වමින් සිය සේවා දායකයා ප්රවෘත්ති සාකච්ඡාවකදී පළ කළ අදහස් වලින් තෝරා ගත් කොටස් කීපයක් පමණක් අපරාධ පරීක්ෂණ දෙපාර්තමේන්තුව විසින් මහේස්ත්රාත්වරයා හමුවට ඉදිරිපත් කරමින් සිය සේවා දායකයා අධිකරණයට අපහාසයක් සිදු කළ බවට කරුණු ඉදිරිපත් කර ඇති බවයි.
අපරාධ පරීක්ෂණ දෙපාර්තමේන්තුව මෙම ක්රියාව හිතාමතාම සිදුකර ඇති බවත් එම සාකච්ඡාවේදී පෙත්සංකරු සිදු කර තිබෙන්නේ අපරාධ පරීක්ෂණ දෙපාර්තමේන්තුවේ ක්රියා කලාපය විවේචනය කිරීම මිස අධිකරණයට අපහාස කිරීමක් නොවන බවත් ජනාධිපති නීතිඥවරයා පෙන්වා දුන්නා.
ඉන් අනතුරුව මෙම නඩු කටයුත්තට සම්බන්ධ අධිකරණයට අපහාස කිරීමේ නඩුකරය ලබන 14 වන දා කැඳවීමට නියමිතව තිබෙන බැවින් එදින මෙම පෙත්සමද කැඳවීමට පියවර ගන්නා ලෙසත් අභියාචනාධිකරණ විනිසුරු මඩුල්ල නියෝග කළා.
