අධිකරණයට අපහාස කළේ යැයි මේ වන විට නීතිඥ භාවය අත්හිටුවා රක්ෂිත බන්ධනාගාර ගත කර තිබෙන සුසිල් ප්රියන්ත ජයතුංගගේ ඇප ඉල්ලීම මැයි මස 05 වනදා සලකා බලන බව ශ්රේෂ්ඨාධිකරණය නියම කර තිබෙනවා.
මෙම පැමිණිල්ල අද එස්.තුරෙයි රාජා, කුමුදුනි වික්රමසිංහ සහ අචල වෙංගප්පූලි යන මහත්ම මහත්මීන්ගේ සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබුවා.
එම අවස්ථාවේදී අදාල නීතිඥවරයා සඳහන් කළේ, තමාගේ සමේ රෝග තත්ත්වය උත්සන්න වී ඇති බවත් එම නිසා, තමන්ව ඇප මත මුදා හරින ලෙසයි.
එම අවස්ථාවේදී විනිසුරුවරු තුන්දෙනාම කියා සිටියේ තමන් මෙම නඩු විභාගයෙන් ඉවත්වන බවයි.
වග උත්තරකාර නීතිඥවරයාට අදාල මානසික වෛද්ය පරීක්ෂණය අඛණ්ඩව සිදු කරන ලෙස විනිසුරු මඩුල්ල විසින් ජාතික මානසික වෛද්ය විද්යායතනයේ වෛද්යවරුන්ට නියම කළා.
ඉන් අනතුරුව මෙම පැමිණිල්ල ලබන 05 වනදා කැඳවන ලෙසත් නියෝග කෙරුණා.
