අද රාත්‍රීයේ සිට සංචරණ සීමා දැඩි වන හැටි

කොවිඩ් 19 වෛරසය තවදුරටත් පැතිර යාමේ අවදානම මත ඊයේ  (10) දින රාත්‍රියේ සිට අන්තර් පළාත් අතර සංචරණ සිමා පැනවීමට කටයුතු කළා.
මේ නිසා පළාත් මායිම් ආසන්නයේ පොලිසිය විසින් දැඩි ආරක්ෂාවක් යොදවා ඇති බවයි පොලිසිය කියා සිටියේ. අන්තර් පළාත් අතර අත්‍යාවශ්‍ය රාජකාරි සඳහා යන පුද්ගලයින්ට සහ අත්‍යාවශ්‍ය ආහාර ද්‍රව්‍ය රැගෙන යන වාහනවලට පමණක් පළාත් මායිම් අතර වාහන ධාවනයට පොලිසිය විසින් අවසර ලබා දී තිබෙනවා. පළාත අතර පෞද්ගලික සහ ලංගම බස් ධාවනය සමාන්‍ය පරිදි සිදු කරන අතර එම බස් රථවල නිරෝධායන උපදෙස්වලට පටහැනි ව මඟීන් රැගෙන යන බස් රථ, මාර්ග බාධක රාජකාරි කරන පොලිස් නිලධාරින්ගේ දැඩි පරික්ෂාවකට ලක් කෙරෙනු ඇති.