අද උදේ බම්බලපිටියේ සිදු වූ මාරක රිය අනතුර

අද(10) උදෑසන ගාලු පාරේ බම්බලපිටිය ආසන්නයේ සිදු වූ රිය අනතුරකින් පුද්ගලයෙකු මිය ගියා.

මෙම අනතුර සිදු වුණේ එකම දිශාවට ධාවනය වූ මෝටර් රථයක් සහ ත්‍රිරෝද රථයක් එකිනෙක ගැටීමෙන්.

අනතුරෙන් මිය ගියේ ත්‍රිරෝද රථයේ රියදුරු වන අතර, මෝටර් රථයේ පැමිණි පිරිස බීමතින් සිටි බවයි අනතුර සිදු වූ ස්ථානයේ සිටි පිරිස කියා සිටියේ.

එසේම මෝටර් රථය තුළ තිබී මත්පැන් බෝතල් කිහිපයක්ද හමු වූ බව එම පිරිස වැඩි දුරටත් සඳහන් කළා