විවිධ අපරාධ හෝ නීතිවිරෝධි කටයුතු හේතුවෙන් අත්අඩංගුවට ගනු ලැබු සැකකරුවන්ට පොලිස් ස්ථානය තුළ පහරදීමක් සිදුවුවහොත් එහි වගකීම ස්ථානාධිපතිවරයා හෝ මූලස්ථාන පොලිස් පරීක්ෂකවරයා භාරගත යුතු බවට පොලිස්පතිවරයා විසින් දන්වා තිබෙනවා.
මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතාගේ විශේෂ උපදෙස් මත පොලිස්පතිවරයා විසින් මෙම දැනුම්දීම සිදුකර ඇති බව වාර්තාවෙනවා.
පොලිස් අත්අඩංගුවේ පසුවන සැකකරුවන්ට පහරදීම් ඇතුළු හිරිහැර කිරිම් කිසිසේත් අනුමත නොකරන බවත්, එවැනි ක්‍රියා සිදුකරන පොලිස් නිලධාරීන්ට තරාතිරම නොබලා නීතිය දැඩිව ක්‍රියාත්මක කරන බවටත් අමාත්‍යවරයා ප්‍රකාශ කර ඇති බව සඳහන්.
