අග්රාමාත්ය ආචාර්යය හරිනි අමරසූරිය මහත්මියට නාඳුනන විද්යුත් තැපැල් ලිපිනයකින් මරණ තර්ජන එල්ල වී ඇති බවට මහජන ආරක්ෂක අමාත්ය ආනන්ද විජේපාල මහතා අවධාරණය කරනවා.
අද (20) පෙරවරුවේ පාර්ලිමේන්තුවේ අදහස් දක්වමින් මහජන ආරක්ෂක අමාත්යවරයා පැවසුවේ, මෙම මරණ තර්ජනය ඇතුළත් විද්යුත් තැපැල් පණිවිඩය පැමිණ ඇත්තේ අග්රාමාත්ය කාර්යායලයට මැයි මස 15 වැනි දින බවයි.
මේ පිළිබඳ ව අග්රාමාත්ය කාර්යාලයේ අතිරේක ලේකම් ඒ.බී. එම්. අශ්රෆ් මහතා විසින් පැමිණිල්ලක් ද සිදු කරනු ලැබුවා.
ඒ අනුව මේ වනවිට ගූගල් ආයතනයෙන් අදාළ මරණ තර්ජනය ආ විද්යුත් තැපැල් ගිණුම සම්බන්ධයෙන් විස්තර වාර්තාවක් ඉල්ලීමෙන් පසු එය ලැබුණු බවත්, එහි IP ලිපිනයන් නෙදර්ලන්තයට හා ජර්මනියට අයත් බවත්, ජාත්යන්තර පොලිස් ඒකකය මගින් ඒ ගැන තොරතුරු ලබාගෙන අධිකරණයට කරුණු වාර්තා කිරීමට කටයුතු කර ඇති බවත් මහජන ආරක්ෂක අමාත්යවරයා වැඩිදුරටත් පැවසුවේ.
