අකුරේගොඩ වෙඩි තැබීමෙන් දිවි අහිමි වූ යුවළගේ තොරතුරු රැසක් එළියට

තලංගම, අකුරේගොඩ ප්‍රදේශයේ සුපිරි වෙළඳසැලක් ඉදිරිපට අද (13) පස්වරු 05.00ට පමණ සිදු වූ වෙඩි තැබීමකින් පුද්ගලයන් දෙදෙනෙක් ජීවිතක්ෂයට පත්ව තිබෙනවා.

මෝටර් රථයක සිටි පිරිමි පුද්ගලයෙක් සහ කාන්තාවක් ඉලක්ක කර ගනිමින් මෙම වෙඩි තැබීම සිදුව තිබෙනවා.

තවත් මෝටර් රථයකින් පැමිණි පුද්ගලයන් දෙදෙනෙක් විසින් T 56 වර්ගයේ ගිනි අවියකින් මෙම වෙඩි තැබීම සිදුකර ඇති බවයි පොලිසිය සඳහන් කළේ.

එම වෙඩි තැබීමෙන් ජීවිතක්ෂයට පත්ව ඇත්තේ බුද්ධික මල්ලවආරච්චි නමැති නීතිඥවරයෙක් සහ එම නීතිඥවරයාගේ බිරිඳ බවට මේ වන විට අනාවරණය වී ඇති බව පොලිසිය පවසනවා.

එම නීතිඥවරයා කරන්දෙණිය සුද්දා නම් සංවිධානාත්මක අපරාධකරුගේ අධිකරණ කටයුතුවලට පෙනී සිටි නීතිඥවරයෙක් බවත් පොලිසිය සඳහන් කළා.