spot_img
AFC Banner
Empty Ad
Empty Ad

හෝටල් කාමරයක් තුළ දී පෙම්වතා පෙම්වතියව ඝාතනය කරලා

පසුගිය සෙනසුරාදා රාත්‍රියේ ඉන්දියාවේ පූනේ නගරයට ආසන්නයේ පිහිටි හෝටලයක දී මෘදුකාංග ඉංජිනේරුවරියක් වෙඩි තබා ඝාතනය කර තිබෙනවා.

මෙම ඝාතනය සම්බන්ධයෙන් ඇයගේ පෙම්වතා අත්අඩංගුවට ගෙන ඇති බවයි ඉන්දීය මාධ්‍ය වාර්තා කළේ.

අත්අඩංගුවට ගැනුණු පෙම්වතා සතුව තිබී පිස්තෝලයක් ද සොයාගැනීමට හැකි වූ බවයි ඉන්දීය පොලිසිය සඳහන් කරන්නේ.

හෝටලයේ සිදු වූ වෙඩි තැබීමක් සම්බන්ධයෙන් පොලිසියට තොරතුරක් ලැබීමෙන් පසු ඔවුන් හෝටලයට පැමිණ පරික්ෂා කිරීමේ දී මෙම කාන්තාවගේ මළ සිරුර සොයාගැනීමට හැකිව තිබෙනවා.

මළ සිරුර හමු වූ කාමරයේ ලේ පැල්ලම් දක්නට ලැබුණු බවයි විමර්ශන සිදුකරන පොලිසිය පැවසුවේ.

වන්දනා ද්විවේදි නැමැති මෙම කාන්තාව සිය පෙම්වතා වූ රිෂාබ් නිගම් සමඟ කලක සිට මෙම ප්‍රේමසම්බන්ධතාව පවත්වෙගෙන ගොස් ඇති බවයි අනාවරණය වී ඇත්තේ.

මොවුන් දෙදෙනා පසුගිය දා අදාළ හෝටලයට පැමිණ ඔවුන්ගේ නම්වලින් එහි කාමරයක් වෙන්කරගෙන ඇති බව සඳහන්.

දෙදෙනා අතර ඇති වූ ආරවුලක් මෙම ඝාතනයට හේතු වී ඇති බවයි මෙතෙක් සිදුකළ විමර්ශනවල දී අනාවරණය වී ඇත්තේ.

අපරාධයෙන් පසු පෙම්වතා හෝටලයෙන් පිටව යන ආකාරය එහි සවිකර තිබූ ආරක්ෂිත කැමරාවල ද සටහන් ව තිබෙනවා.

මෙම අපරාධය සම්බන්ධයෙන් වැඩිදුර තොරතුරු අනාවරණය කර ගැනීම සඳහා සැකකාර පෙම්වතාගෙන් ප්‍රශ්න කරමින් සිටින බවයි ඉන්දීය මාධ්‍ය වැඩිදුරටත් තොරතුරු වාර්තා කළේ.

ඔබේ ප්‍රතිචාරය කුමක්ද ?
+1
0
+1
0
+1
0
+1
2
+1
3
+1
1
+1
1
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?