හැටන් අධ්‍යාපන කලාපයට අයත් වටවල ප්‍රදේශයේ පාසලක සිසුවියන් තිදෙනෙකුට ලිංගික අතවර කිරීමට තැත් කළ බවට චෝදනාව මට එම පාසලේ ගුරුවරයෙක් අද (15) දිනයේ අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ එම පාසලේ විද්‍යාව විෂය උගන්වනු ලබන ගුරුවරයා බවයි වාර්තා වන්නේ.
මෙම ගුරුවරයා එම පාසලේ 10 වන ශ්‍රේණියේ ඉගෙනුම ලබන සිසුවියන් තිදෙනෙකුට ලිංගික බලපැම් කරමින් ඔවුන්ගේ ජංගම දුරකථනවලට එස්.එම්.එස්. පණිවුඩ යවා ඇති බව සඳහන්.
කෙසේ වෙතත් එම සිසුවියන් විසින් එම කෙටි පණිවුඩ සඳහා පිළිතුරු යොමු නොකිරීම මත, සිසුවියන් පන්ති කාමරයේ වාඩිවන පුටුවේ “තම යෝජනාවට එකඟ ද” යනුවෙන් සැකකාර ගුරුවරයා විසින් ලියා තිබූ බව අගතියට පත් සිසුවියන් පොලිසිය හමුවේ පවසා තිබෙනවා.
අත්අඩංගුවට ගැනුණු සැකකාර විද්‍යා ගුරුවරයා 44 හැවිරිදි වියේ පසුවන දෙදරු පියෙක් බවයි වාර්තා වන්නේ.
ඔහු හැටන් මහේස්ත්‍රාත් අධිකරණය වෙත ඉදිරිපත් කරන බවයි වටවල පොලිසිය සඳහන් කළේ.
