වෙනිසියුලාවේ ශ්රේෂ්ඨාධිකරණය TikTok වෙත ඩොලර් මිලියන 10 ක දඩයක් නියම කර තිබෙනවා.
රසායනික විෂ වීම හේතුවෙන් යෞවනයන් තිදෙනෙකුගේ මරණයට හේතු වූ මාරාන්තික වෛරස් අභියෝගය පිළිබඳ මෙම වේදිකාව නොසැලකිලිමත්ව කටයුතු කළ බවට චෝදනා කරමින් මෙම දඩය නියම කර ඇතැයි විදෙස් මාධ්ය වාර්තා කළා.
අධිකරණ තීන්දුවේ දැක්වෙන්නේ මෙම අභියෝග දිරිමත් කරන භයානක අන්තර්ගතයන් පැතිරීම වැළැක්වීම සඳහා “අවශ්ය සහ ප්රමාණවත් පියවර” ගැනීමට TikTok අපොහොසත් වූ බවයි.
තීන්දුවේ කොටසක් ලෙස, චීනයේ ByteDance සතු TikTok හට වෙනිසියුලාවේ ප්රාදේශීය කාර්යාලයක් පිහිටුවීමට නියෝග කරන ලද අතර දඩය ගෙවීමට දින 8ක කාලයක් ලබා දී තිබෙනවා.
හානිකර අන්තර්ගතයන්ගෙන් පීඩාවට පත් පුද්ගලයින්ට, විශේෂයෙන් ළමයින්ට සහ නව යොවුන් දරුවන්ට වන්දි ගෙවීමේ අරමුණින් “TikTok වින්දිතයින්ගේ අරමුදල” නිර්මාණය කිරීම සඳහා දඩ මුදල යොදවන බව අධිකරණය නිවේදනය කළේ.
