වත්කම් බැරකම් ප්රකාශ ලබාදී ඇති පුද්ගලයින්ගේ එම වත්කම් බැරකම් ප්රකාශයන් ජනතා ප්රවේශය යටතේ ඕනෑම පුද්ගලයෙකුට ලබාගැනීමට පහසුකම සලසා දී තිබුණා.
කෙසේ වෙතත් එම ප්රජාතන්ත්රවාදී සාධනීය පියවර ඇතැම් වගකීම් විරහිත පුද්ගලයින් සහ ආයතන මඟින් අවභාවිත කරමින් පවතින බවයි සභානායක අමාත්ය බිමල් රත්නායක සඳහන් කරන්නේ.
ඒ, අනුව දූෂණ විරෝධී පනත මඟින් මෙලෙස වත්කම් බැරකම් ප්රකාශ ඉදිරිපත් කර ඇති පුද්ගලයින්ගේ පෞද්ගලිකත්වයට බලපෑම් එල්ල වී ඇති බවයි ඔහු පැවසුවේ.
මේ හේතුවෙන් දූෂණ විරෝධී පනත සංශෝධනය කිරීමට පියවර ගන්නා බව සඳහන් කළ අමාත්යවරයා එම සංශෝධනයේ දී, ජනතා ප්රවේශය යටතේ වත්කම් බැරකම් ප්රකාශ සම්බන්ධ තොරතුරු ලබාගැනීම සීමා කිරීමට යෝජනා වී ඇති බවයි සඳහන් කළේ.
ඒ, අනුව එම සීමා කිරීමට මහජන නියෝජිතයින්ට අදාළව සිදුනොවිය යුතු පදනමේ රජය සිටින බවයි සභානායකවරයා පවසා සිටියේ.
ඒ, අනුව මහජන නියෝජිතයින්ගේ වත්කම් බැරකම් ප්රකාශ ඕනෑම අයෙකුට ලබාගත හැකි ආකාරයටත්, අනෙකුත් පුද්ගලයින්ගේ වත්කම් බැරකම් ප්රකාශ ඕනෑම අයෙකුට ලබාගැනීම මෙම සංශෝධනයේ දී සීමාකරන බවත් අමාත්යවරයා අද (06) පාර්ලිමේන්තුවේ දී අදහස් දක්වමින් පැවසුවා.
