නාවික හමුදාව විසින් ගැඹුරු මුහුදේ දී මත්ද්රව්ය සමඟ අත්අඩංගුවට ගැනුණු බහුදින ධීවර යාත්රාවේ හිමිකරු අත්අඩංගුවට ගෙන තිබෙනවා.
පොලිස් මත්ද්රව්ය නාශක කාර්යාංශය විසින් එම පුද්ගලයා අද (02) ගාල්ල ප්රදේශයේ දී අත්අඩංගුවට ගෙන ඇති බවයි වාර්තා වන්නේ.
හෙරොයින් සහ අයිස් මත්ද්රව්ය කිලෝ ග්රෑම් 335ට අධික තොගයක් රැගත් බහුදින යාත්රාවක් සමඟ සැකකරුවන් හයදෙනෙක් දිවයිනට බටහිර දෙසින් වූ ගැඹුරු මුහුදේදී ඊයේ (31) නාවික හමුදාව අත්අඩංගුවට ගැනුණා.
එලෙස අත්අඩංගුවට ගැනුණු බහුදින ධීවර යාත්රාව සහ සැකකරුවන් හයදෙනා අද (02) උදෑසන දික්ඕවිට ධීවර වරායට රැගෙන ආවා.
නාවික හමුදාව සඳහන් කළේ මෙම යාත්රාවේ තිබී අයිස් මත්ද්රව්ය කිලෝ ග්රෑම් 250කට අධික තොගයක් සහ හෙරොයින් මත්ද්රව්ය කිලෝ ග්රෑම් 85කට අධික තොගයක් සොයා ගැනීමට හැකි වූ බවයි.
