තරග 03කින් සමන්විත සංචාරක බංග්ලාදේශ කණ්ඩායම සහ බටහිර ඉන්දීය කොදෙව්වන් අතර පැවැත්වෙන එක්දින තරගාවලිය කල්වේලා ඇතිව ම ජය ගැනීමට කොදෙව්වන් ඊයේ (10) සමත් වුණා.
තරගය පැවැත්වුණේ කැරිබියන් දූපත් සමූහයට අයත් Saint Kitts and Nevis නගරයේ පිහිටි Basseterre ක්‍රීඩාංගණයේ දියි.
තරගයේ කාසියේ වාසිය දිනූ කොදෙව් කණ්ඩායම පළමු ව පිතිකරණය සඳහා බංග්ලාදේශයට ඇරයුම් කළා.
ඔවුන් පන්දුවාර 50 අවසන් වීමට පෙර ලකුණු 227කට සියල්ලන් ම දැවී ගිය අතර බංග්ලාදේශයේ වැඩිම ලකුණුලාභියා වූයේ මහ්මුදුල්ලාහ්.
ඔහු ලකුණු 62ක් සහ ටන්සීඩ් හසාන් ලකුණු 46ක් ලබාගත් අතර ලකුණු 45ක් Tanzim Hasan Sakib ලබා ගත්තා.
කඩුලු බිඳ දැමීමේ දී ජෙයිඩ්න් සීල්ස් කඩුලු 04ක්, ගුඩකෙෂ් මොටී කඩුලු 02ක් සහ එක් කඩුල්ල බැගින් Marquino Mindley, Romario Shepherd, Justin Greaves සහ Roston Chase අතර බෙදී ගියා.
තරගය ජයග්‍රහණයට ලකුණු 228ක ඉලක්කයක් හඹා ගිය බටහිර ඉන්දීය කොදෙව් කණ්ඩායම තරගය කඩුලු 07කින් ජය ගත්තේ ලකුණු 230ක් ලබා ගනිමින්.
බ්‍රැන්ඩන් කින්ග් ලකුණු 82ක්, එවින් ලෙවිස් ලකුණු 49ක් සහ කීසි කාටි ලකුණු 45ක් ලබා ගත්තා.
බංග්ලාදේශය වෙනුවෙන් කඩුලු බිඳ දැමුවේ නහිඩ් රනා, රිෂාඩ් හුසේන් සහ අසිෆ් හුසේන් විසින්.
තරගයේ වීරයා සම්මානය කඩුලු 04ක් බිඳ දැමූ ජෙයිඩ්න් සීල්ස් දිනා ගත්තා.
