spot_img
AFC Banner
Empty Ad
Empty Ad

පෞද්ගලික රෝහල් සහ ඖෂධහල් වල දරුණු ඖෂධ හිඟයක්

ඉන්දීය ණය පහසුකම යටතේ පෞද්ගලික අංශය සදහා හිඟ ඖෂධ ගෙන්වීමට අවස්ථාව ලබාදී ඇති බව සෞඛ්‍ය අමාත්‍යාංශය පවසයි.මේ වනවිට පෞද්ගලික රෝහල් සහ ඖෂධහල් 4500 ක පමණ ඖෂධ හිඟයක් පවතින බවට ඔවුන් විසින් අමාත්‍යාංශය වෙත දැනුම්දී තිබේ.

හිඟ ඖෂධ ගෙන්වීම සදහා ණයවර ලිපි විවෘත කිරීමට අවශ්‍ය විදේශ විනිමය නොමැති බවට ද පෞද්ගලික අංශයේ රෝහල් සහ ඖෂධහල් විසින් සෞඛ්‍ය අමාත්‍යාංශය වෙත වැඩිදුරටත් දැනුම් දි ඇත.සෞඛ්‍ය අමාත්‍යාංශය පවසා සිටියේ පෞද්ගලික අංශයේ හිඟව පවතින ඖෂධ ඉන්දීය ණය පහසුකම යටතේ ගෙන්වීමට අවස්ථාව සලසා දී ඇති බවට ඔවුන් වෙත දැනුම් දුන් බවය.

අවශ්‍ය හිඟ ඖෂධ ගෙන්වීම සඳහා ලෝක බැංකුව සහ ආසියානු සංවර්ධන බැංකුව විසින් අරමුදල් ලබාදීමට එකඟතාව පළ කර තිබේ.ඒ අනුව ලෝක බැංකුවෙන් අමෙරිකානු ඩොලර් මිලියන 30ක් සහ ආසියානු සංවර්ධන බැංකුවෙන් අමෙරිකානු ඩොලර් මිලියන 65 ක් ලබාදිමට නියමිතය.

සෞඛ්‍ය අමාත්‍යාංශය පැවසුවේ එම අරමුදල්වලට අදාළව ඖෂධ ගෙන්වීම සඳහා දැනටමත් ණයවර ලිපි නිකුත් කිරිමට පියවර ගෙන ඇති බවය.සෞඛ්‍ය අමාත්‍යාංශය වැඩිදුරටත් සදහන් කළේ ඒ අනුව ඉදිරියේදී ඖෂධ හිඟයකින් තොරව සැපයීමට අවශ්‍ය සෑම පියවරක්ම ගනිමින් සිටින බවය.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?