2023-2025 ලෝක ටෙස්ට් ශූරතාව ගැන තවදුරටත් බලාපොරොත්තු තබා ගත හැකි තීරණාත්මක ටෙස්ට් තරගයක් අද (05) දකුණු අප්රිකාවට එරෙහිව Gqeberha ක්රීඩාංගණයේ දී පැවැත්වෙනවා.
තරගය මෙරට වේලාවෙන් පස්වරු 01.30ට ආරම්භ වනු ඇති.
දෙරට අතර පැවැත්වෙන දෙවැනි සහ අවසන් ටෙස්ට් තරගය මෙය ජය ගැනීම දෙපිළටම තීරණාත්මක වනවා.
ඊට හේතුව ලෝක ටෙස්ට් ශූරතාව සඳහා ප්රසාද ලකුණු ඉහළින් ලබා ගනිමින් අවසන් මහා සටනට පිවිසීමේ ඉඩකඩ තවමත් යම් ප්රමාණයකින් හෝ දකුණු අප්රිකාවට මෙන් ම ශ්රී ලංකාවට ද හිමිව තිබීම හේතුවෙන්.
දකුණු අප්රිකාව ශ්රී ලංකාවට එරෙහිව පැවති පළමු ටෙස්ට් තරගය පසුගියදා විශිෂ්ට ලකුණු 233කින් ජය ගත්තා.
කෙසේ නමුත් අද තරගයට දකුණු අප්රිකාවේ සුපිරි වේග පන්දු ක්රීඩකයෙකු මෙන් ම පිතිකරුවෙකු වන කොට්සෙ සහ මල්ඩර් එක් නොවනු ඇති.
ඔවුන් දෙදෙනාම ආබාධවලට ලක් වීම හේතුවෙන් පැටර්සන්, සෙනුරන් මුත්තුසාමි හෝ Kwena Maphaka යන අයගෙන් දෙදෙනකු එක්වීමට නියමිතයි.
ශ්රී ලංකා කණ්ඩායමේ සිදු කරන වෙනසක් වාර්තා නොවන අතර (මෙතෙක්) ධනංජය ද සිල්වා කණ්ඩායමේ නායකත්වය ගෙන කටයුතු කරනවා.
ටෙම්බා බවුමා දකුණු අප්රිකාව මෙහෙයවනු ඇති.
කෙසේවෙතත් ක්රීඩා විචාරකයින් පෙන්වාදෙන්නේ Gqeberha ක්රීඩාංගණය වේග පන්දු යවන්නන්ගේ නිජබිමක් ලෙසයි.
