ක්රීඩා සම්බන්ධ වැරදි වැළැක්වීමේ විශේෂ විමර්ශන ඒකකය විසින් ජැෆ්නා කිංග්ස් ෆ්රැන්චයිස් හිමිකරු අත්අඩංගුවට ගැනීම සම්බන්ධයෙන් ශ්රී ලංකා ක්රිකට් ආයතනය නිවේදනයක් නිකුත් කර තිබෙනවා.
අදාළ නිවේදනය මඟින් ශ්රී ලංකා ක්රිකට් ආයතන සඳහන් කරන්නේ, මෙම කාරණය සම්බන්ධයෙන් පැන නගින පරීක්ෂණ සම්බන්ධයෙන් ඕනෑම සහායක් ලබාදීමට ශ්රී ලංකා ක්රිකට් ආයතනය මෙන්ම LPL සංවිධායක මණ්ඩලය කටයුතු කරන බවයි.
තරගාවලියේ අඛණ්ඩතාව සහ ගෞරවය ආරක්ෂා කිරීමට තමන් බැඳී සිටින බව සඳහන් කරන ශ්රී ලංකා ක්රිකට් ආයතනය, ඒ අනුව තරගාවලියට සම්බන්ධ කිසිදු පාර්ශවයකින් සිදුවන දූෂණ, විෂමාචාර හෝ අනිසි ක්රියාවන් කිසිසේත්ම අනුමත නොකරන බවයි අවධාරණය කරන්නේ.
එමෙන්ම මෙම සිදුවීමෙන් අද (17) ආරම්භවන තරගාවලියට ඉදිරි කටයුතුවලට කිසිදු බාධාවක් සිදු නොවන බව එම නිවේදනයේ වැඩිදුරටත් සඳහන්.
