රුපියල් එක් කෝටි හැත්තෑ හත් ලක්ෂයක් වටිනා, විදේශීය නිෂ්පාදිත දුම්වැටි තොගයක්, නීතිවිරෝධී ලෙස මෙරටට රැගෙනවිත්, ඒවා කටුනායක ගුවන් තොටුපොළ කිසිවක් ප්රකාශ කිරීමට නොමැති ” හරිත මාවත ” ( Green Channel ) ඔස්සේ පිට කර ගෙන යාමට තැත් කළ විදේශීය ගුවන් මගීන් දෙදෙනෙක්, අද (01) අලුයම ගුවන් තොටුපොළ රේගු නිලධාරීන් පිරිසක් විසින් අත්අඩංගුවට ගෙන තිබෙනවා.
එම සකක්රුන් දෙදෙනා 36 හැවිරිදි සහ 37 හැවිරිදි වියේ පසුවන, ශ්රී ලංකාවට පළමු වරට පැමිණි චීන ජාතිකයන් දෙදෙනෙක් බවයි වාර්තා වන්නේ.
ඔවුන් අද අලුයම 12.20 ට තායිලන්තයේ බැංකොක් නුවර සිට, තායි ගුවන් සේවයේ ටී.ජී.- 307 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
ඔවුන් විසින් රැගෙන විත් තිබූ ගමන් මලු 05 ක් තුළ , චීනයේ නිෂ්පාදිත “චුන්හුවා” ( Chunghua ) , “ගුයියාන්”
( Guiyan ) සහ “සෙප්ටූලව්ස් ” (Septwoloves ) යන වර්ග වල දුම්වැටි 118,000 ක් අඩංගු දුම්වැටි කාටූන් 590 ක් සගවා ගෙන ගෙනවිත් තිබූ බවයි වාර්තා වන්නේ.
මේ පිළිබද වැඩිදුර විමර්ශන කටයුතු කටුනායක ගුවන් තොටුපොළ රේගු නිලධාරීන් විසින් සිදු කරනවා .
