කුසල් මෙන්ඩිස් නොම්බර 07 ස්ථානයට පැමිණීම තුළ නිරෝෂන් දික්වැල්ලට ටෙස්ට් කණ්ඩායමෙන් ඉවත්වීමට සිදු වූ බව ශ්රී ලංකා ටෙස්ට් ක්රිකට් නායක ධනංජය ද සිල්වා පවසනවා.
ඉන්දියාව සමඟ හෙට (15) ආරම්භවන ටෙස්ට් තරගාවලියට පෙර අද (14) ගාල්ලේ දී පැවති මාධ්ය හමුවේ දී ධනංජය ද සිල්වා මේ බව සඳහන් කළා.
මෙම තරගාවලියේ දී වෙනත් ක්රීඩකයින් කිහිප දෙනෙකුට කඩුලු රකින්නෙකු ලෙස සංචිතයට එක්වීමට අවස්ථාව ලබාදීමට හැකියාව තිබුණ ද, ගාලු ක්රීඩාංගණයේ කඩුලු රැකීමේ දී අනෙක් කඩුලු රකින්නන්ට වඩා නිරෝෂන් දික්වැල්ල ඉදිරියෙන් සිටීම තුළ ඔහු සංචිතයට එක්කර ගැනීමට තේරීම් කමිටුව තීරණය කර ඇති බවයි ධනංජය පවසා සිටියේ.
වසර තුනකට වැඩි දීර්ඝ විරාමයකට පසුව නිරෝෂන් දික්වැල්ල යළිත් ශ්රී ලංකා ටෙස්ට් සංචිතයට කැඳවීම සම්බන්ධයෙන් මෙරට ක්රිකට් ක්ෂේත්රයේ මේ වනවිට දැඩි කතාබහක් මතුව තිබෙනවා.
මේ වනවිට දකෂතා අතර සිටින යොවුන් ක්රීඩක අංජල බණ්ඩාර සහ සධීර සමරවික්රම සංචිතයට එක්කර නොගෙන නිරෝෂන් දික්වැල්ල සන්චිතයට එක්කර ගැනීම සම්බන්ධයෙන් බොහෝ පිරිසක් ප්රශ්න කරනවා.
