කොළඹ 07 කුරුඳුවත්ත ප්‍රදේශයේ වසර ගණනාවක සිට සම්බාහන මධ්‍යස්ථානයක සිදුකරගෙන ගිය ගණිකා ජාවාරමක් කොළඹ දකුණ කොට්ඨාශ අපරාධ විමර්ශන කාර්යාංශය විසින් වටලා තිබෙනවා.
ඊයේ (04) රාත්‍රියේ සිදුකළ මෙම වැටලීමේ දී ගණිකා සේවයේ නිරත තායිලන්ත ජාතික කාන්තාවන් නවදෙනෙකු අත්අඩංගුවට ගෙන ඇති බවයි වාර්තා වුණේ.
ඊට අමතරව අදාළ සම්බාහන ආයතනේ හිමිකරු ද පොලිසිය විසින් අත්අඩංගුවට ගැනීමටයි කටයුතු කර ඇත්තේ.
පොලිස් නිලධාරියෙක් ඉන්දීය ජාතිකයෙකු ලෙස වෙස්වලාගෙන අදාළ සම්බාහන මධස්ථානයට ගොස් එහි තොරතුරු අනාවරණය කර ගැනීමෙන් පසු මෙම වැටලීම සිදුකර ඇති බවයි වාර්තා වුණේ.
මෙහි සිටි තායි කතුන් රුපියල් ලක්ෂයකට වඩා වැඩි මුදලක අලෙවි කරන බවත්, ඔවුන්ගේ පහස විඳගැනීමට බහුල වශයෙන් ව්‍යාපාරිකයින් පැමිණෙන බවත් අත්අඩංගුවට ගැනුණු හිමිකරු පොලිසියට පපොච්ච්රණට කර තිබෙනවා.
අත්අඩංගුවට ගැනුණු සැකකරු සහ තායි කන්තුන් නවදෙනා කුරුඳුවත්ත පොලිසිය වෙත භාර දී ඇති අතර, ඔවුන්ව අද (04) දින අධිකරණය හමුවට ඉදිරිපත් කිරීමට නියමිතයි.
