ජපානය හමුවේ ලැබූ අති දැවැන්ත පරාජයත් සමඟ මෙවර පාපන්දු ලෝක කුසලාන තරගාවලියෙන් ඉවතට විසිවීමට ටියුනීසියාවට අද (21) සිදු වුණා.
ටියුනීසියාව පරදා ජපාන කණ්ඩායම මෙම තරගය ජයගත්තේ ගෝල හතරට බිංදුවක් ලෙසයි.
මෙම තරගය වසර 96ක පාපන්දු ලෝක කුසලාන ඉතිහාසයේ පැවති දහස්වන තරගය ලෙසටයි වාර්තා අතරට එක් වුණේ.
ජපාන කණ්ඩායම ලැබූ මෙම දැවැන්ත ජයග්රහණයත් සමඟ ලෝක ශ්රේණිගත කිරීම්හි 18 වැනි ස්ථානයේ සිට 16 වැනි ස්ථානය දක්වා ස්ථාන දෙකකින් ඉදිරියට පැමිණීමට ජපාන කණ්ඩායමට හැකියාව ලැබීම ද විශේෂත්වයක්.
මෙම ජයග්රහණයත් සමඟ ‘F’ කාණ්ඩයේ ප්රසාද ලකුණු හතරක් ලබාගෙන දෙවන ස්ථානයට පැමිණීමට ද ජපාන කණ්ඩායමට හැකියාව ලැබුණා.
මේ අතර FIFA පාපන්දු ලෝක කුසලානයේ අද පැවති තවත් තරගයකින් ජය වාර්තා කිරීමට ප්රබල ජර්මන් කණ්ඩායමට හැකියාව ලැබුණා.
‘E’ කාණ්ඩයේ තරගයක් ලෙස පැවති මෙම තරගට ජර්මනිය ජයගත්තේ අයිවරි කෝස්ට් කණ්ඩායම ගෝල දෙකට එකක් ලෙස පාරාජය කරමින්.
ඒ, අනුව ජර්මනිය මෙවර ලෝක කුසලාන තරගාවලියේ සහභාගී වූ මූලික වටයේ තරග දෙකම ජයගෙන ‘E’ කාණ්ඩයේ ප්රසාද ලකුණු සටහනේ පෙරමුණ ගෙන සිටිනවා.
