ආරක්ෂක අමාත්‍යාංශයේ ලේකම්වරයාගේ නියෝග මත අග්බෝ ඇතා සෙවීම සඳහා විශේෂ මෙහෙයුමක් ආරම්භ කර තිබෙනවා.
එම මෙහෙයුම සඳහා ආරක්ෂක අමාත්‍යාංශයේ ලේකම්වරයාගේ උපදෙස් මත හමුදා කණ්ඩායමක් පිටත් කර යවා තිබෙනවා.
අග්බෝ ඇතා සොයා ගැනීමේ කටයුතු කඩිනම් කිරීමේ අරමුණින් පරිසර අමාත්‍යවරයා සහ ආරක්ෂක අමාත්‍යාංශයේ ලේකම්වරයා අතර පැවති සාකච්ඡාවකින් අනතුරුව, මෙම මෙහෙයුම අරඹා ඇති බවයි පරිසර අමාත්‍යාංශය සඳහන් කළේ.
අග්බෝ ඇතා සිටින ස්ථානය හඳුනාගෙන සත්වයාගේ ආරක්ෂාව තහවුරු කිරීම සඳහා මෙම මෙහෙයුම ක්‍රියාත්මක කෙරෙනවා.
මේ අතර ආරක්ෂක අමාත්‍යංශය සඳහන් කළේ 30 දෙනෙකුගෙන් පමණ සමන්විත හමුදා කණ්ඩායමක් අද (18) දහවල් කාලයේ තිරප්පනේ ප්‍රදේශයෙන් මෙම විශේෂ මෙහෙයුම ආරම්භ කළ බවයි.
