ගාලුමෝදර පිටියේ සිටි අරගලකරුවන්ට ආරක්ෂක අංශ විසින් එල්ල කළ ප්රහාරයට එරෙහිව සමගි ජන බලවේගයේ පාර්ලිමේන්තු මන්ත්රීවරු පිරිසක් එක්සත් ජාතින්ගේ සංවිධානයේ මෙරට පිහිටි කාර්යාලයට අද (22) විශේෂ සංදේශයක් භාරදෙනු ලැබුවා.
නලීන් බණ්ඩාර, මුජිබර් රහුමාන්, හර්ෂණ රාජකරුණා යන පාර්ලිමේන්තු මන්ත්රීවරුන් පිරිසක් මේ සඳහා එක්ව සිටි බවයි වාර්තා වුණේ.
මේ අතර මෙම ප්රහාරය සම්බන්ධයෙන් විධිමත් පරීක්ෂණයක් අවශ්ය බව විපක්ෂ නායක සජිත් ප්රේමදාස පවසනවා.
මෙම ප්රහාරය සඳහා අණ දුන්නේ කවුද, සැලසුම් කළේ කවුද, ප්රහාරය එල්ල කළේ කවුද, යන්න පිළිබඳව විධිමත් පරීක්ෂණයක් පැවැත්විය යුතු බවයි විපක්ෂ නායකවරයා සඳහන් කළේ.
එමෙන්ම ප්රහාරයේ වගකීමෙන් ජනාධිපතිවරයාට පලා යෑමට නොහැකි බව ද විපක්ෂ නායකවරයා ප්රකාශ කර සිටියා.
මේ අතර අරගලකරුවන්ට, මාධ්යවේදීන්ට සහ සිවිල් පුරවැසියන්ට එල්ල කළ මෙම ප්රහාරය පිළිකුලෙන් හෙලාදකින බව නිවේදනයක් නිකුත් කරමින් විපක්ෂ නායක සජිත් ප්රේමදාස සඳහන් කළා.
