ඉන්ධන පොලිමේ යතුරුපැදිය නවතා කන්න ගිය තිදරු පියා නොඑන ගමන් යයි

ඉන්ධන පෝලිමක රැඳී සිටි තවත් පුද්ගලයෙකු අවාසනාවන්ත ලෙස ජීවිතක්ෂයට පත්වීමේ පුවතක් බුත්තල ප්‍රදේශයෙන් වාර්තා වනවා.

මෙලෙස ජීවිතක්ෂයට පත්ව ඇත්තේ යුද හමුදා ඉංජිනේරු බළකායට අනුයුක්තව සේවය කළ 45 හැවිරිදි විශ්‍රාමික සෙබළක් වන අතර ඔහු තිදරු පියෙක් බවයි වාර්තා වන්නේ.

මෙම පුද්ගලයා බුත්තල නගරයේ පිහිටි ඉන්ධන පිරවුම්හලක අසල පොලිමේ සිය යතුරු පැදිය නවතා රාත්‍රී ආහාර ලබාගැනීම සඳහා පාන් ගෙඩියක් ද රැගෙන නිවසට පා ගමනිනි ගොස් තිබෙනවා.

එලෙස යමින් සිටින අතර තුර මාර්ගයේ ගමන්ගත් යතුරුපැදියක ගැටී සිදුවූ අනතුරකින් ඔහු මෙලෙස ජීවිතක්ෂයට පත්ව ඇති බවයි පොලිසිය පැවසුවේ.

බුත්තල – කතරගම මාර්ගයේ රාජපක්ෂ මාවත ආසන්නයේ මෙම අනතුර සිදුව ඇති අතර අනතුර සිදුකළ යතුරුපැදිකරු බීමත්ව සිට ඇති බවට සැක කෙරෙනවා.