ජාතික ඉන්ධන බලපත්‍රය හඳුන්වාදීම අද පස්වරුවේ

ඉන්ධන බෙදාහැරීමේ දී ඇතිවන ගැටළුවලට ප්‍රායෝගික විසඳුමක් තාක්ෂණය භාවිතයෙන් හඳුන්වාදීම අද (16) සිදු කෙරෙනවා.

ඒ අනුව ජාතික ඉන්ධන බලපත්‍රය හඳුන්වාදීමේ වැඩසටහන අද (16) පස්වරු 12.30ට ආරම්භ වීමට නියමිතයි.

මෙම බලපත්‍රයෙන් සහතික කරනු ලැබූ ඉන්ධන කෝටාවක් වෙන් කෙරෙන අතර, ජාතික හැඳුනුම්පත, වාහන බලපත්‍ර අංකය, වාහනයේ චැසි අංකය සහ විස්තර සත්‍යාපනය කළ QR කේතයක් හිමිවනවා.

ඒ අනුව වාහන අංක තහඩුවේ අවසාන ඉලක්කම් දෙක අනුව සතියකට දින දෙකක් ඉන්ධන ලබා ගැනීමට හැකියාව පවතිනවා.

ඒ සම්බන්ධව දැනුවත් කරමින් බලශක්ති අමාත්‍ය කංචන විජේසේකර විසින් ට්විටර් පණිවුඩයක් ද නිකුත්කර තිබුණා.