පාර්ලිමේන්තුව අද (16) පෙරවරු 10.00ට කථානායකවරයාගේ ප්රධානත්වයෙන් රැස්වීමට නියමිතයි.
අද දින පැවැත්වෙන පාර්ලිමේන්තු සභාවාරය සඳහා සහභාගීවන ලෙස කථානායකවරයා ඊයේ සියලු පාර්ලිමේන්තු මන්ත්රීවරුන්ට දැනුම් දුන්නා.
මේ අතර නව ජනාධිපතිවරයෙකු තෝරා පත්කර ගැනීමට අදාල නාම යෝජනා භාර ගැනීම ලබන 19 වනදා සිදු කෙරෙනවා.
ඒ සඳහා මේ වනවිටත් අපේක්ෂකයින් කිහිප දෙනෙක්ම ඉදිරිපත්වන බවට නිල වශයෙන් දැනුම් දී අවසන්.
මේ අතර අද සිට පාර්ලිමේන්තුවේ මෙම විශේෂ අවස්ථාව සඳහා පැමිණෙන සියලුම මන්ත්රීවරුන්ට කිසිදු කරදරයකින්, බාධාවකින් තොරව පැමිණීමට උද්ඝෝෂණ නොකර, සාමකාමීව අවස්ථාව ලබාදෙන ලෙසට ද කථානායකවරයා ඊයේ මහජනතාවගෙන් ඉල්ලීමක් ද සිදු කළා.
එමෙන්ම පාර්ලිමේන්තුව අවට ආරක්ෂාව දැඩි කිරීමට පියවර ගෙන ඇති බවද වාර්තා වනවා.
