දකුණු අප්‍රිකානු ප්‍රහාරාත්මක පිතිකරු අර්වින් ලුවිස් මෙවර ලංකා ප්‍රිමියර් ලීග් තරගවලිය නියෝජනය කිරීමට නියමිත බව වාර්තා වනවා.
ඒ අනුව ඔහු මෙවර තරගාවලියේ දී ජැෆ්නා කිංග්ස් කණ්ඩායම නියෝජනය කිරීමට නියමිත බවයි ක්‍රිකට් ආරංචි මාර්ග සඳහන් කළේ.
අර්වින් ලුවිස් නිමා වූ ඉන්දීය ප්‍රිමියර් ලීග් තරගවලියේ දී ලක්නව් සුපර් ජයන්ට්ස් කණ්ඩායම නියෝජනය කළා.
එමෙන්ම දකුණු අප්‍රිකානු වේගපන්දු යවන ක්‍රීඩක හාර්ඩස් විජෝන් ජැෆ්නා කිංග්ස් කණ්ඩායම සමඟ එක්වීමට සූදානමක් පවතින බව වාර්තා වනවා.
ඔහු මීට පෙර අයි.පී.එල් තරගවලියේ දී කිංග්ස් ඉලවන් පන්ජාබ් කණ්ඩායම නියෝජනය කර තිබෙනවා.
මේ අතර ජැෆ්නා කණ්ඩායම ක්‍රීඩක කෙටුම්පතට (Player Draft) පෙර රඳවා ගන්නා ක්‍රීඩකයින් 06 දෙනා ප්‍රකාශයට පත්කර තිබෙනවා.
තිසර පෙරේරා, ධනංජය ද සිල්වා, මහිෂ් තීක්ෂණ, දුනිත් වෙල්ලාලගේ, අශාන් රන්දික සහ ප්‍රවීන් ජයවික්‍රම එම ක්‍රීඩකයින් හය දෙනායි.
2022 ලංකා ප්‍රිමියර් ලීග් තරගාවලියේ ක්‍රීඩක කෙටුම්පත (Player Draft) අද (05) පස්වරු 5.00ට ආරම්භ වීමට නියමිතයි.
