මරදාන පොලිස් ස්ථානයේ සාර්ථක එළවළු ගෙවත්තක් ආරම්භ කර තිබෙනවා.පොලිස් ස්ථානාධිපති ප්‍රධාන පොලිස් පරීක්‍ෂක ඉෂාන්ත කුමාර ඇපලකොටුව මහතාගේ උපදෙස් මත මෙම වගා බිම සාර්ථකව කරගෙන යන බවයි වාර්තා වූණේ.
මරදාන පොලිස් ස්ථානාධිපති ප්‍රධාන පොලිස් පරීක්‍ෂක ඉෂාන්ත කුමාර ඇපලකොටුව මහතා මෙසේ අප සමග පැවසුවා.
මේක මගේ අදහසක්. දැනටමත් මෙහි පතෝල, නිවිති, ගොටුකොළ, බණ්ඩක්කා, කරවිල, තක්කාලි, ගෝවා, වැටකොළු ඇතුළු එළවළු වර්ග 18ක් වගා කරලා තියෙනවා. කොරෝනා වපසංගත සමයේ තමයි අපි මේ එළවළු ගෙවත්ත ආරම්භ කළේ. දැන් මේ වෙනකොට හොඳ අස්වැන්නක් අපි ලබා ගන්නවා. කෘෂිකර්ම දෙපාර්තමේන්තුවෙන් එළවළු වගාවට අවශ්‍ය බීජ අරන් තමයි මේ කටයුත්ත පටන්ගත්තේ. මේ එළවළු වගාවට අපි කොම්පෝස්ට් පොහොර භාවිතා කරනවා. මේ එළවළු අස්වැන්නේ ඵලදාව මරදාන පොලිසියේ නිලධාරීන්ගේ පරිභෝජනය සඳහා යොදා ගන්නවා. වස විසෙන් තොර එළවළු වගාවක් මේක. මේ එළවළු වගාව දිගටම කරගෙන යන්නයි බලාපොරොත්තුව. එළවළු වගා බිම කරගෙන යාමට සහෝදර නිලධාරීන්ගෙන් විශාල සහයෝගයක් ලැබෙනව.
