යුක්රේනයේ කිවු අගනුවර සහ චර්නිව් නගරය අවට යුධ මෙහෙයුම් අඩු කිරීමට රුසියාව තීරණය කර තිබෙනවා.
එරට නියෝජ්ය ආරක්ෂක අමාත්යවරයා උපුටා දක්වමින් මාධ්ය වාර්තා කලේ දෙපාර්ශවය අතර සාකච්ඡා ඉදිරියටත් පවත්වාගෙන යාමේ අරමුණ ඇතිව අන්යොන්ය විශ්වාසය තහවුරු කරලීමේ අරමුණ ඇතිව එම තීරණය ගත් බවයි.
රුසියාව සහ යුක්රේනය අතර ඉහළම පෙලේ සාකච්ඡා වටයක් තුර්කියේ ඉස්තාන්බුල් නුවරදී අද පැය 03 කට ආසන්න කාලයක් පැවතුණා.
නැවත වරක් මුණගැසී සාකච්ඡා කිරීමට මෙහිදී එකගතාවය පළවී ඇති අතර දෙරට අතර අවබෝධතා ගිවිසුමක් අත්සන් තැබීම කෙරෙහිද අවධානය යොමුවී ඇති බවයි විදෙස් වාර්තාවල දැක්වෙන්නේ.
සාකච්ඡා ආරම්භයේදීම තුර්කිය විසින් යෝජනා කර ඇත්තේ වහා සටන් විරාම ගිවිසුමකට එළැඹිය යුතු බවයි.
කෙසේවෙතත් ඒ සඳහා ඇති ඉඩකඩ ඉතාම අවම බවයි විදෙස් වාර්තා සඳහන් කලේ.
