ආසියාවේ අඩුම ගෑස් මිල අපේ රටේ ද ?

ඊයේ දිනයේ දී කර්මාන්ත ඇමති එස්.බී දිසානායක මහතා මාධ්‍ය අමතා කියා සිටියේ ආසියාවේ අඩුම ගෑස් මිල අපේ රටේ බවයි.ඒ සම්බන්ධව වැඩි දුරටත් සොයා බැලීමට සිතූ අප කන්ඩායම මේ මිලගනන් ආසියාවේ අපේ අසල්වැසි රටවල් හා සංසන්ධනය කලා.

තාක්ශනය මෙතරම් ඉඳිරියෙන් තිබෙන කාලයක ඕනෑම අයෙකුට අන්තර්ජාලය හරහා මෙම මිල ගනන් විමසා බැලිය හැකි බව ඔබ මම මෙන්ම ඇමත්තුමා ද බාග විට දන්නවා ඇතැයි අපි සිතමු.

ශ්‍රී ලංකාවේ මේ වන විට ගෘහස්ථ ගෑස් සිලින්ඩරයක් රුපියල් 4199ක මුදලකට වෙළඳපල තුල අලෙවි වෙයි.

ඉන්දියාවේ ගෘහස්ථ ගෑස් සිලින්ඩරයක මිල සම්බන්ධව සොයා බැලීමේ දී අප ට දැක ගැනීමට ලැබුනේ එය ඉන්දියානු රුපියල් 899 සහ රුපියල් 929 වැනි මුදලක් දකවා තිබෙන බවය.අපි මෙයින් රුපියල් 929ට ඇති සිලින්ඩරයට ලංකා මුදලින් වැය වන අගය සොයා බැලූ විට එය සටහන් වූයේ අද දින හුවමාරු අඟයන් යටතේ රුපියල් රුපියල් 3406 ක මුදලක් ලෙසයි.

අපි ඉන් පසුව බංගලාදේශයේ මිල සොයා බැලූ විට එය සටහන් වුනේ බංගලාදේශ ටකා 1178ක් ලෙසින්ය. එය ආසන්න වශයෙන් ශ්‍රී ලංකා රුපියල් වලින් රුපියල් 3835ක මිලක් ලෙස අද දිනයට අනුව ගත හැක.

මීට අමතරව අප කුතුහලය නිසාම ඉන්දියාවේ සාමාන්ය ආහාර ද්‍රව්‍ය කිහිපයක මිලද හොයා බැලුවෙමු.කුකුල් මස් ආදිය හී සාමාන්‍ය මිල ගනන් ශ්‍රී ලංකා මුදලින් රුපියල් 400ක් ආසන්නව සහ කිරි ලීටරයක් රුපියල් 220ක මුදලකටත් තිබෙනු අපට දක්නට ලැබුනා.ඒහා සමානවම අපට අනෙකුත් දේද දකින්නට ලැබුනා.ඔබටත් අන්තර්ජාලයේ කුඩා සෙවුමකින් මේ සියලු දේ ඔබේ ඇසින්ම දැකිය හැකි වේවී.

අවසානයට කියන්නට ඇත්තේ “ඇට නැති දිව හැරෙන පැත්තට කතා කියූ සමය” දැන් අහවර වී ඇති බව පමනක්මය.

මින් පෙර දේශපාලනය තරමට ම ඉදිරියේදී දේශපාලනය සරල නොවනු ඇත.බෝතල් කාලකට බත් පැකට් එකට වැදුනු කතිරයන් අනාතයේදී ලැබෙනු ඇතැයි සිතීමට උගහටය…
ඉතින් මැති සඳ තෙපුල් ප්‍රවේසමෙන් හසුරන්න….