මෙක්සිකෝවේ ජනාධිපති අන්ද්‍රෙර්ස් මෑනුවෙල් ලෝපේස් හට කොරෝනා වයිරසය ආසාදනය වී ඇති බව වාර්තා වනවා.
කෙසේ වුවද ඔහු තවමත් යහපත් සෞඛ්‍ය තත්ත්වයෙන් පසුවන බවයි එරට ජනාධිපති කාර්යාලය නිවේදනය කරන්නේ. මේ වනවිට මෙක්සිකෝවේ දෙවන වටයේ කොරෝනා වයිරස ව්‍යාප්තිය ආරම්භ වී ඇති අතර දෛනිකව වාර්තා වන ආසාදිතයින් හා මරණ සංඛ්‍යාව ශීඝ්‍රයෙන් ඉහළ යමින් පවතින බව විදෙස් මාධ්‍ය සඳහන් කරනවා. වයිරසයට එරෙහිව රුසියාවේ නිෂ්පාදිත ස්පුට්නික් වී එන්නත මෙක්සිකෝව තුළ භාවිතයට ගන්නේද නැද්ද යන්න පිළිබඳ ඉතා ඉක්මනින් තීරණයක් ගන්නා බවයි එරට සෞඛ්‍ය අංශ සඳහන් කරන්නේ. මේ වනවිටත් එරට තුළ ෆයිසර් හා ඇස්ට්‍රා සෙනෙකා එන්නත් භාවිතය සඳහා අවසර හිමිව තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
