සපුගස්කන්ද බලාගාරයේ පවතින දැවි තෙල් අද දින දහවල් 2.00 පමණ වන විට අවසන් වන බව ලංකා විදුලිබල මණ්ඩලය සඳහන් කර සිටිනවා.
ඒ අනුව දැවි තෙල් ලබා දෙන ලෙස ඛනිජ තෙල් නීතිගත සංස්ථාවට දැනුම් දී ඇති අතර ඔවුන් දැවී තෙල් ලබාදීම සිදුකළහොත් විදුලි කප්පාදුවක් සිදුකිරීමේ අවශ්‍යතාවයක් නොමැති බව විදුලිබල මණ්ඩලය පැවසුවේ.
කෙසේවෙතත් විදුලි උත්පාදනය සඳහා කැලණිතිස්ස බලාගාරයට ඛනිජ තෙල් නීතිගත සංස්ථාව විසින් ඩීසල් මෙට්‍රික්ටොන් 10,000 ක් මේ වන විට සම්පූර්ණයෙන්ම ලබා දී තිබෙනවා.
පවතින තත්ත්වය මත විදුලි පාරිභෝගිකයින් නිසි කළමනාකරණයෙන් යුතුව විදුලිය පරිහරණය කළ යුතු බවයි එම මණ්ඩලය සඳහන් කරසිටින්නේ.
