කොරෝනා ආසාදිත ගර්භණී මව්වරුන් 60ක් පමණ මේ වන විට මිය ගොස් ඇතැයි පවුල් සෞඛ්‍ය කාර්යාංශයේ අධ්‍යක්ෂ විශේෂඥ වෛද්‍ය චිත්‍රමාලී ද සිල්වා මහත්මිය පවසනවා.
සෞඛ්‍ය ප්‍රවර්ධන කාර්යංශය පැවති මාධ්‍ය හමුවකට එක් වෙමින් ඇය මේ බව සඳහන් කර සිටියා.
එම මරණ සියල්ල ම කොවිඩ් තුන් වන රැල්ලේ සිදු වූ මරණ බව විශේෂඥ වෛද්‍යවරිය සඳහන් කර සිටියා.
මිට අමතරව අවුරුදු 18ට අඩු දරුවන් 89 දෙනෙකු ද කොරෝනා අසාදනය වී මියගොස් ඇති බවයි වෛද්‍යවරිය වැඩිදුරටත් සඳහන් කර සිටියේ.
මේ අතර ගර්භණී මව්වරුන්ට බූස්ටර් මාත්‍රාව ලබා ගත හැකි බව ද වෛද්‍ය චිත්‍රමාලී ද සිල්වා මහත්මිය ප්‍රකාශ කර සිටියා.
“බූස්ටර් මාත්‍රාව ලබා ගන්න කලින් Sinopharm හෝ වෙනත් එන්නත් දෙකක් ගර්භණී වීමට පෙර ලබාගෙන තියෙනවා නම් ඊළඟ ගර්භණී අවස්ථාවේ දී මේ මව්වරුන්ට ෆයිසර් බූස්ටර් මාත්‍රාවක් ලබාගෙන රෝගයෙන් ආරක්ෂා වීමට පුළුවන්.” ඇය සඳහන් කර සිටියා.
wpDiscuz
