ලංකා ප්‍රිමියර් ලීග් තරගවලියේ දී වේදනාකාරී පරාජයක් උරුමකර ගන්නට කලම්බෝ කිංග්ස් කණ්ඩායමට ඊයේ සිදුවුණා.
ඒ, එම තරගය තියුණු සටනකින් අනතුරුව දඹුල්ල ජයන්ට්ස් කණ්ඩායම ලකුණු එකකින් ජය ගැනීමත් සමඟයි.
2021 ලංකා ප්‍රිමියර් ලීග් තරගවලියේ මූලික තරග වටය යටතේ මෙතෙක් පැවැති තරග අතුරින් වැඩිම තරගකාරීත්වයකින් යුතු තරගය බවට මෙම තරගය පත්වීම විශේෂත්වයක්.
මෙම තරගයේ දඹුල්ල ඉනිමේ දී, කලම්බෝ කණ්ඩායමේ පන්දු යවන ක්‍රීඩක නවීන් උල්හක් ශ්‍රී ලංකා ක්‍රීඩක චාමික කරුණාරත්න සමඟ කිසියම් ගැටුමක් ඇතිකර ගන්නා ආකරය දක්කට ලැබුණා.
මේ අතර පසුගිය 10 වනදා ජැෆ්නා කිංග්ස් කණ්ඩායම සමඟ පැවති තරගයේ දී ද නවීන් උල්හක්, තිසර පෙරේරා සමඟින් ගැටුමක් ඇති ඇතිකර ගත්තා.
එහිදී එම ක්‍රීඩකයින් දෙදෙනා අතරේ උණුසුම් වාග් ප්‍රහාරයක් හුවමාරු වන ආකාරය දක්නට ලැබුණා.
කෙසේ වෙතත් ඊයේ චාමික සහ නවීන් අතර ඇති වූ සිදුවීම සහ පසුගිය 10 වනදා තිසර සහ නවීන් අතර ඇති වූ සිදුවීම සම්බන්ධයෙන් මේ වන විට සමාජ මාධ්‍ය ඔස්සේ දැඩි කතාබහකට ලක්ව තිබෙනවා.
