ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වෙන ශ්‍රී ලංකා බටහිර ඉන්දීය කොදෙව් දෙවැනි ටෙස්ට් තරගයේ සිව්වැනි දිනයේ දී ශ්‍රී ලංකා කණ්ඩායමේ මැදපෙළ පිතිකරු ධනංජය ද සිල්වා සිය ටෙස්ට් දිවියේ 8 වැනි ශතකය වාර්තා කර ගැනීමට සමත් වුණා.
දඟ පන්දු යවන්නන් සහමුලින් අණසක පැතිර වූ මෙම තරගයේ ධනංජය එක් අන්තයකින් සිය කඩුල්ල ආරක්ෂා කරගනිමින් පන්දුවට පහරදෙමින් ශතකයක් රැස් කර ගනිද්දී ශ්‍රී ලංකා කණ්ඩායමේ අනෙකුත් සියලු ක්‍රීඩකයින් රැස් කරගෙන තිබුණේ ලකුණු එකසිය 150කට ආසන්න සංඛ්‍යාවක්.
ධනංජය ඔහුගේ ලකුණු 100 ලබා ගැනීම සඳහා පන්දු 187කට මුහුණ දුන්නා.
ඒ අතරින් පන්දු අටක් හතරේ සීමාවට පිටත් කර තිබු අතර, එක් පන්දුවක් හතරේ සීමාවට ඉහළින් යොමු කර තිබුණා. බටහිර ඉන්දීය කොදෙව් දඟ පන්දුව හමුවේ ශ්‍රී ලංකා කණ්ඩායමේ පිතිකරුවන් එකා පසුපස එකා ක්‍රීඩාගාරයට පියමනිද්දී එක් අන්තයක සිය කඩුල්ල රැකගෙන ඉවසිලිවන්ත ඉනිමක් ගොඩනැගූ ධනංජය ශ්‍රී ලංකා කණ්ඩායමට අභියෝගයක් දිය හැකි ලකුණු සංඛ්‍යාවක් කරා දෙවෙනි ඉනිම ඔසවා තැබීමට කටයුතු කළා.
