හෘදයාබාධයක් හේතුවෙන් පාකිස්ථාන ක්රිකට් කණ්ඩායමේ හිටපු නායකයෙකු වන ඉන්සමාම් උල් හක් රෝහල් ගත කර තිබේ.
විදෙස් මාධ්ය වාර්තා කළේ රෝහල් ගත කිරීමෙන් අනතුරුව ඔහු සැත්කමකට භාජනය කර ඇති බවයි.
ලාහෝර් නගරයේ රෝහලක ප්රතිකාර ලබන ඉන්සමාම්ගේ තත්ත්වය යහපත් අතට හැරෙමින් පවතන බව මාධ්ය වාර්තා සදහන් කරයි.
මීට දින කිහිපයකට පෙර ඔහු පපු ප්රදේශයේ කැක්කුමක් ඇති බව පවසා තිබේ.
පසුව සිදුකළ මූලික පරීක්ෂණ වලදි හෘදයාබාධයක් බව තහවුරු වී නොතිබූ අතර, ඊයේ දින සිදුකළ පරීක්ෂණයකදී තහවුරු වී ඇත්තේ ඔහුගේ හෘදයේ ගැටළුවක් ඇති බවයි.
51වැනි වියෙහි ඉන්සමාම් පාකිස්ථානය වෙනුවෙන් කණ්ඩායමේ නායකත්වය මෙන්ම ප්රධාන තේරීම් නිලධාරියා වශයෙන් ද කටයුතු කර තිබුණි.
ඊට අමතරව ඔහු ඇෆ්ගනිස්ථාන කණ්ඩායමේ ප්රධාන පුහුණුකරු ලෙස ද කටයුතු කළේය.
