එළැඹෙන ඔක්තෝබර් මාසයේදී ඕමානයේදී සහ එක්සත් අරාබි එමීර් රාජ්යයේදී පැවැත්වීමට නියමිත විස්සයි විස්ස ලෝක කුසලාන ක්රිකට් තරගාවලිය සඳහා සහභාගි වන ශ්රී ලංකා කණ්ඩායමේ තරග කාල සටහන එළි දක්වා තිබේ.
එම සටහනට අනුව ඔක්තෝබර් 18 වැනිදා ශ්රී ලංකා කණ්ඩායම නැමීබියාව සමගින් සුදුසුකම් ලැබීමේ වටයේ පළමු තරගයට සහභාගි වන අතර ඔක්තෝබර් 20 වැනිදා ශ්රී ලංකාව අයර්ලන්තය සමගින් තරග වැදීමට නියමිතය.
සුදුසුකම් ලැබීමේ අවසන් තරගය සඳහා ඔක්තෝබර් 22 වැනිදා ශ්රී ලංකාව නෙදර්ලන්තය සමගින් තරග වදිනු ඇත.
මෙම තරග අතරින් නැමීබියාව සහ අයර්ලන්තය සමග තරග අබුඩාබිහිදී පැවැත්වීමට නියමිත අතර නෙදර්ලන්තය සමගින් පැවැත්වෙන තරගය සාජා හිදී පැවැත්වේ.
