තම ජීව විද්යාත්මක දියණිය දූෂණය කිරීම සම්බන්ධයෙන් වරදකරු වූ පුද්ගලයෙකු විසින් ගොනු කර තිබූ අභියාචනයක් නිශ්ප්රභ කළ අභියාචනාධිකරණය, හම්බන්තොට මහාධිකරණය විසින් ඔහුට නියම කර තිබූ වසර 15 ක බරපතළ වැඩ සහිත සිරදඬුවම තවදුරටත් තහවුරු කර තිබෙනවා.
අමල් රණරාජා සහ ආචාර්ය සුමුදු ප්රේමචන්ද්ර යන අභියාචනාධිකරණ විනිසුරු මඬුල්ල තීන්දු කළේ, ව්යභිචාරී ව්යවස්ථාපිත ස්ත්රී දූෂණ (incestuous statutory rape) චෝදනාවට තමන් වරදකරු කිරීමට එරෙහිව විත්තිකරු විසින් ගොනු කර තිබූ අභියාචනයේ කිසිදු නෛතික පදනමක් නොමැති බවයි.
2018 ඔක්තෝබර් 01 සහ ඔක්තෝබර් 31 අතර කාලය තුළ සිය දියණිය ලිංගික අපයෝජනයට ලක් කළ බව කියන සිද්ධීන් තුනක් සම්බන්ධයෙන් විත්තිකරුට එරෙහිව මහාධිකරණය හමුවේ අධිචෝදනා ගොනු කර තිබුණා.
පූර්ණ නඩු විභාගයකින් අනතුරුව, 2025 ජූලි 16 වන දින හම්බන්තොට මහාධිකරණය විසින් දණ්ඩ නීති සංග්රහයේ 364(3) වගන්තිය යටතේ එක් චෝදනාවකට ඔහුව වරදකරු කරනු ලැබූ අතර, ඉතිරි චෝදනා දෙකෙන් ඔහුව නිදොස් කොට නිදහස් කර තිබෙනවා.
එහිදී මහාධිකරණය ඔහුට වසර 15ක බරපතළ වැඩ සහිත සිරදඬුවමක් සහ රුපියල් 10,000ක දඩයක් නියම කරනු ලැබුවා.
ඊට අමතරව වින්දිත දැරියට රුපියල් 400,000ක වන්දි මුදලක් ගෙවන ලෙසත්, එම දඩය සහ වන්දිය ගෙවීම පැහැර හරින්නේ නම් ඒ සෑම එකක් සඳහාම අමතරව මාස හය බැගින් වූ බරපතළ වැඩ සහිත සිරදඬුවම් ද අධිකරණය විසින් නියම කළා.
අපරාධය සිදුවූ දිනය හෝ වේලාව තහවුරු කිරීමට පැමිණිල්ල අපොහොසත් වීම, වින්දිත දැරියගේ සාක්ෂිවල ඇති අසම්භාව්යතාවය (විශ්වාසදායක නොවීම), යොමු ප්රශ්න (leading questions) භාවිතය සහ විත්ති කූඩුවේ සිට ඔහු විසින් ලබා දුන් දිවුරුම් නොදුන් ප්රකාශය කෙරෙහි නඩු විභාගය මෙහෙයවූ විනිසුරුවරයා සලකා බැලූ ආකාරය ඇතුළු කරුණු කිහිපයක් පදනම් කරගනිමින් විත්තිකරු සිය දඬුවම අභියෝගයට ලක් කළා.
කෙසේ වෙතත්, අභියාචනාධිකරණය මෙම සියලු තර්ක ප්රතික්ෂේප කරනු ලැබුවා.
තීන්දුව ප්රකාශයට පත් කරමින් විනිසුරු ආචාර්ය සුමුදු ප්රේමචන්ද්ර ප්රකාශ කර සිටියේ, පැමිණිල්ල විසින් ඉදිරිපත් කළ කරුණු විශ්වාසදායක බවත්, මහාධිකරණ විනිසුරුවරයාගේ නිගමනවලට මැදිහත් වීමට අභියාචනාධිකරණයට කිසිදු පදනමක් නොමැති බවයි.
ඒ අනුව අභියාචනය නිශ්ප්රභ කළ අධිකරණය, විත්තිකරු වරදකරු කිරීම සහ වසර 15 ක සිරදඬුවම යන දෙකම තහවුරු කළේ.
ඔහු වරදකරු කරනු ලැබූ 2025 ජූලි 16 වන දින සිට මෙම සිරදඬුවම ක්රියාත්මක විය යුතු බවට අධිකරණය නියෝග කළ අතර, වින්දිත දැරියට ගෙවිය යුතු දඩය සහ වන්දි මුදල නොවෙනස්ව පවතිනු ඇති.
