ප්රජාතන්ත්රවාදය, ආර්ථික ප්රතිසාධනය සහ දේශගුණික විපර්යාසවලට පූර්ව සූදානම් ඒකාබද්ධ ජාතික ඔරොත්තුදීමේ රාමුවක් රටට අවශ්ය බව විපක්ෂ නායක සජිත් ප්රේමදාස පවසනවා.
ශ්රී ලංකාවේ එක්සත් ජාතීන්ගේ නේවාසික සම්බන්ධීකාරක මාර්ක්-අන්ද්රේ ෆ්රාන්ෂේ සමඟ අද පැවති හමුවක දී විපක්ෂ නායකවරයා මේ බව සඳහන් කළා.
ප්රජාතන්ත්රවාදී පාලනය, ව්යවස්ථාමය ආයතන, ආර්ථික ප්රතිසාධනය, දේශගුණික විපර්යාසවලට පූර්ව සූදානම සහ සමාජ ආරක්ෂණය එකිනෙකින් වෙන් වූ ක්ෂේත්ර ලෙස නොසලකා ඒකාබද්ධ වූ ජාතික ඔරොත්තු දීමේ ප්රවේශයක් ශ්රී ලංකාව විසින් අනුගමනය කළ යුතු බවයි විපක්ෂ නායකවරයා මෙහිදී අවධාරණය කළේ.
එහි දී විපක්ෂ නායක සජිත් ප්රේමදාස තවදුරටත් පෙන්වා දුන්නේ ප්රජාතන්ත්රවාදය මැතිවරණවලට පමණක් සීමා නොවී නීතියේ ආධිපත්යය, බලතල බෙදීම, ස්වාධීන ආයතන, පාර්ලිමේන්තු වගවීම, විනිවිදභාවය, මූලික අයිතිවාසිකම් සහ ජනතා සහභාගීත්වය මත තවදුරටත් ශක්තිමත් විය යුතු බවයි.
