ඉන්දියාවට එරෙහි දෙවන ටෙස්ට් තරගයේ පළමු ඉනිම සඳහා ශ්රී ලංකා කණ්ඩායම ලකුණු 429ක් රැස්කර ගෙන සිටිය දී ඉනිම ඇත හිටුවීමට තීරණය කළා.
කෙසේ වෙතත් ශ්රී ලංකා ඉනිම අත්හිටුවීමෙන් පසු, සිය දෙවන ඉනිම දියත් කිරීමට අකමැති වූ ඉන්දීය නායකයා තරගය සමව අවසන් කිරීමට තීරණය කරනු ලැබුවා.
පළමු ඉනිමේ දී මෙන්ම දෙවන ඉනිමේ දී ශතකයක් රැස්කර ගැනීමට සමත් වූ ශ්රී ලංකා මැදපෙළ පිතිකරු සොනාල් දිනූෂ නොදැවී ලකුණු 133ක් රැස්කර ගැනීමට සමත් වුණා.
තරගය පසුගිය 23 වැනිදා කොළඹ SSC පිරියේ දී ආරම්භ වූ අතර තරගයේ පළමුවෙන් පන්දුවට පහරදුන් ඉන්දීය කණ්ඩායම සිය පළමු ඉනිම වෙනුවෙන් ලකුණු 503ක් රැස්කර ගත්තා.
කෙසේ වෙතත් එයට පිළිතුරු වශයෙන් ශ්රී ලංකාවට රැස්කර ගැනීමට හැකිවුණේ ලකුණු 290ක් පමණයි.
ඒ අනුව, ඉන්දීය නායකයාගේ ආරාධනයෙන්, දෙවන ඉනිම වෙනුවෙන් පිටියට පිවිසි ශ්රී ලංකා කණ්ඩායම අද (27) ඉනිම අත්හිටුවන තෙක් ලකුණු 429ක් රැස්කර ගැනීමට සමත් වුණා.
තරගාවලියේ ගාල්ලේ පැවති පළමු තරගය ජයගත් ඉන්දීය කණ්ඩායම, තරග දෙකකින් සමන්විත තරගාවලිය 1-0 ක් ලෙස ජයගැනීමට සමත් වුණා.
