විනිසුරු විශ්රාම වයස දීර්ඝ කිරීම ඇතුළත් 22 වන ආණ්ඩුක්රම ව්යවස්ථා සංශෝධනය සහ අධිකරණ සංවිධාන සංශෝධන පනත් කෙටුම්පත අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාර විසින් අද (18) පාර්ලිමේන්තුවට ඉදිරිපත් කළා.
මෙම අවස්ථාවේ පාර්ලිමේන්තුවේ විපක්ෂයෙන් එල්ල වූයේ දැඩි විරෝධයක්.
මෙම පනත් කෙටුම්පත රාජ්ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාව වෙත යොමු කෙරුණු අතර, මේ සම්බන්ධයෙන් ශ්රේෂ්ඨාධිකරණයේ මතය විමසීම සඳහා ආණ්ඩුක්රම ව්යවස්ථාවේ විධිවිධාන අනුව අවකාශ සැලසෙනවා.
ඒ අනුව, පනත් කෙටුම්පතේ ව්යවස්ථානුකූලභාවය සම්බන්ධයෙන් අභියෝග කිරීමට කැමති පාර්ශ්වයකට එය පාර්ලිමේන්තුවට ඉදිරිපත් කළ දින සිට දින 14ක් ඇතුළත ශ්රේෂ්ඨාධිකරණයට පෙත්සමක් ඉදිරිපත් කිරීමට අවස්ථාව හිමිවනවා.
එවැනි පෙත්සමක් ඉදිරිපත් වුවහොත්, ශ්රේෂ්ඨාධිකරණය විසින් ඒ සම්බන්ධයෙන් විමර්ශනය කර දින 21ක් ඇතුළත සිය තීරණයකථානායකවරයා වෙත දැනුම් දීමට නියමිතයි.
