ශ්‍රී ලංකා නාවික හමුදාපති වයිස් අද්මිරාල් ඩේමියන් ප්‍රනාන්දු සහ සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස අතර හමුවක් සිදුව තිබෙනවා.
සෞඛ්‍ය අමාත්‍යාංශයේ දී අද (17) මෙම හමුව සිදුවූ බවයි ශ්‍රී ලංකා නාවික හමුදාව නිවේදනය කළේ.
මෙම හමුවේදී, ජාතික වැදගත්කමකින් යුත් කාර්යයන්හි දී ශ්‍රී ලංකා නාවික හමුදාව ඉටුකරනු ලබන කාර්යභාරය ඇතුළු කරුණු රැසක් පිළිබඳව නාවික හමුදාපතිවරයා සහ සෞඛ්‍ය හා ජනමාධ්‍ය අමාත්‍යවරයා අතර සුහද අදහස් හුවමාරුවක් සිදුකෙරුණා.
මෙම නිල හමුවීම සනිටුහන් කරමින්, නාවික හමුදාපතිවරයා විසින් අමාත්‍යවරයා වෙත සමරු තිළිණයක් පිළිගැන්වීම ද එහිදී සිදු වුණා.
