පකිස්ථාන පාලනය යටතේ පවතින කාශ්මීර කලාපයේ (Pakistan-Occupied Kashmir – PoK) සිවිල් වැසියන් ඉලක්ක කරගනිමින් පකිස්ථාන ආරක්ෂක අංශ විසින් සිදුකරන ලද දරුණු මර්දනය සහ මානව හිමිකම් උල්ලංඝනය කිරීම් සම්බන්ධයෙන් පකිස්ථානය වගකිව යුතු (Accountable) බවට පත් කරන ලෙස ඉන්දියාව ජාත්යන්තර ප්රජාවෙන් දැඩි ලෙස ඉල්ලා සිටින බව ‘ටෙලිග්රාෆ් ඉන්දියා’ (Telegraph India) පුවත්පත වාර්තා කරනවා.
කලාපය තුළ පවතින ආර්ථික පීඩනයට සහ මැතිවරණ නීතිවලට එරෙහිව ‘ජනතා ක්රියාකාරී කමිටුව’ (JAAC) මෙහෙයවූ සාමකාමී විරෝධතාවලට පකිස්ථාන රජය විසින් ත්රස්ත විරෝධී පනත යටතේ තහනම් පැනවීමත්, ඉන් අනතුරුව හමුදාව සහ පොලිසිය එල්ල කළ වෙඩි තැබීම්වලින් කුඩා ළමුන් සහ ගර්භණී මව්වරුන් ඇතුළු සිවිල් වැසියන් රැසක් ජීවිතක්ෂයට පත්වීමත් සමඟ මෙම තත්ත්වය උග්ර වුණා.
මේ පිළිබඳව නිල ප්රකාශයක් කරමින් ඉන්දීය විදේශ කටයුතු අමාත්යාංශයේ මාධ්ය ප්රකාශක රන්දීර් ජයිස්වාල් අවධාරණය කළේ, පකිස්ථානය තමන්ගේ පාලන අසාර්ථකත්වයන් වසාගැනීම සඳහා අඛණ්ඩව ව්යාජ පුවත් (Fake News) පතුරුවමින්, කාශ්මීර ජනතාව මත දරුණු මිලිටරි බලහත්කාරකම් සහ මානව හිමිකම් උල්ලංඝනයන් සිදුකරන බවයි.
මෙම අර්බුදය හමුවේ, පකිස්ථානය විසින් නීතිවිරෝධී ලෙස බලහත්කාරයෙන් අල්ලාගෙන සිටින කාශ්මීර ප්රදේශවල වෙසෙන ජනතාවගේ ජීවත්වීමේ අයිතිය වෙනුවෙන් ලෝක ප්රජාව වහාම මැදිහත් විය යුතු බව ඉන්දියාව පෙන්වා දෙනවා.
පවතින ප්රචණ්ඩකාරී වාතාවරණය හේතුවෙන් බ්රිතාන්යය, ඕස්ට්රේලියාව සහ කැනඩාව වැනි රටවල් ද මේ වන විටත් සිය පුරවැසියන් සඳහා කාශ්මීර කලාපයේ සංචාරය කිරීම සීමා කරමින් ආරක්ෂක උපදෙස් (Travel Advisories) නිකුත් කර තිබෙනවා.
