චමරිගේ සහ විශ්මිගේ විශිෂ්ඨ පිතිහරඹයෙන් පුහුණු තරගයේ ජය ලංකාවට

විස්සයි විස්ස කාන්තා ලෝක කුසාලන ක්‍රිකට් තරගාවලියේ පෙර පුහුණු තරගයක් ලෙස පාකිස්ථානය සමඟ පැවැත්වුණු තරගයෙන් විශිෂ්ඨ ජයක් අත්කර ගැනීමට ශ්‍රී ලංකා කාන්තා කන්ඩායම සමත්වුණා.

ඒ පාකිස්ථානය කඩුලු 09කින් පරාජය කරමින්.

තරගයේ ප්‍රථමයෙන් පන්දුවට පහර දුන් පාකිස්තානය නියමිත පන්දුවාර 20 තුළ කඩුලු 08ක් දැවී ලකුණු 168ක් රැස්කර ගත්තා.

ශ්‍රී ලංකාව පන්දුයැවීමේදී විශිෂ්ඨ දසකම් දැක්වූ චේතනා විමුක්ති කඩුලු 04ක් දවා ගැනීමට සමත් වුණා.

ලකුණු 169ක ඉලක්කයක් වෙනුවෙන් පිටියට පිවිසි, ශ්‍රී ලංකා කණ්ඩායම පන්දුවාර 18.4ක් පමණක් වැය කරමින් එම ඉලක්කය සපුරා ගත්තේ එක් කඩුල්ලක් පමණක් ලබා දෙමින්.

එහිදී කණ්ඩායම් නායිකා චමරි අත‍පත්තු ලකුණු 94ක් සහ විශ්මි ගුණරත්න නොදැවී ලකුණු 63ක් රැස්කළා.