ලෙබනනයේ, හබ්බූෂ් ප්රදේශයට එල්ල වූ ඊශ්රායල ගුවන් ප්රහාරයකින් ශ්රී ලාංකික කාන්තාවක් ජීවිතක්ෂයට පත්ව ඇති බවට ආරංචි මාර්ග පවසනවා.
‘රාහ්මා’ නමින් හඳුවන්වන ඇයගේ සම්පූර්ණ අනන්යතාවය හෝ පවුලේ විස්තර තවමත් තහවුරු වී නැහැ.
කෙසේ වෙතත් විදේශ කටයුතු, විදේශ රැකියා සහ සංචාරක අමාත්යාංශය විසින් නිකුත් කර තිබූ නිවේදනයක ‘රාහ්මා’ නමින් හඳුවන්වන එම කාන්තාවකගේ ඡායාරූප ද නිකුත් කරමින් එම අමාත්යාංශය පවසා ඇත්තේ, එම කාන්තාව හඳුනා ගැනීමට හෝ ඇගේ ඥාතීන්, ඇය හදුනන කිසිවෙක් හෝ සොයා ගැනීමට උපකාරී විය හැකි තොරතුරු කිසිවක් තිබේ නම් විදේශ කටයුතු, විදේශ රැකියා සහ සංචාරක අමාත්යාංශය දැනුවත් කරන ලෙසයි.
අමාත්යාංශය විසින් නිකුත් කර ඇති එම නිවේදනයේ වැඩිදුරටත් සඳහන් වුණේ ඇය ශ්රී ලාංකික සම්භවයක් ඇති බවට සැක කෙරෙන අතර ලෙබනනයේ වාසය කරමින් සිට ඇති බවයි.
අදාළ කාන්තාව සම්බන්ධයෙන් යම් තොරතුරක් වෙතොත් 011 227 5525 යන දුරකථන අංකය ඔස්සේ විදේශ කටයුතු, විදේශ රැකියා හා සංචාරක අමාත්යාංශය දැනුවත් කරන ලෙසයි නිවේදනයේ සඳහන් වන්නේ.
