කුලී ගමනක් යන මුවාවෙන් කුලී රථයකට නැඟ එහි රියදුරාට හිංසා සිදුකර ඔහුගේ මුදල් කොල්ල කෑ සැකකරුවන් තිදෙනෙක් පොලිසිය මඟින් අත්අඩංගුවට ගෙන තිබෙනවා.
මෙම කොල්ලකෑම අදාළ මෝටර් රථයේ ඉදිරිපස සවිකර තිබූ කැමරාවක පටිගත වී තිබූ අතර, එම වීඩියෝව ඊයේ (31) දිනයේ සමාජ මාධ්යයේ සංසරණය වුණා.
ඒ, පිළිබඳව අවධානය යොමු කළ පොලිසිය සිදුකළ විමර්ශනවල දී මොවුන් තිදෙනාව අත්අඩංගුවට ගැනීමට මෙලෙස සමත්ව තිබෙනවා.
ඒ, අනුව බොරැල්ල පොලිස් ස්ථානය මඟින් සැකකරුවන් දෙදෙනෙක් සහ වැලිකඩ පොලිසිය මඟින් එක් සැකකරුවෙක් ඊයේ (31) රාත්රියේ අත්අඩංගුවට ගත් බවයි පොලිසිය පැවසුවේ.
මෙම කොල්ලකරුවන් බොරැල්ල , කොටා පාර ප්රදේශයේ දී කුලී රථ රියදුරා සතුව තිබූ රුපියල් 38,500ක මුදලක් කොල්ල කා පලාගොස් ඇති බවයි අනාවරණය වී ඇත්තේ.
මෙම සිදුවීම සම්බන්ධයෙන් සිද්ධියට මුහුණ පෑ කුලී රථ රියදුරා වැලිකඩ පොලිස් ස්ථානය වෙත පැමිණිල්ලක් ද සිදුකර ඇති බව අනාවරණය වී වුණා.
