කාලය වේගයෙන් ගෙවී යමින් ඇති බවට ඇමරිකානු ජනාධිපති ඩොනල්ඩ් ට්රම්ප් ඉරානයට යළිත් අනතුරු අඟවා තිබෙනවා.
සිය ටෘත් සෝෂල් සමාජ මාධ්ය ජාලයේ පණිවුඩයක් නිකුත් කරමින් ට්රම්ප් ජනාධිපතිවරයා සඳහන් කරන්නේ, ඉරානය වහාම ක්රියාත්මක විය යුතු බවයි.
එසේ නොවුණහොත් ඉරානයේ කිසිවක් ඉතිරි නොවනු ඇති බවත්, කාලය අතිශයින්ම වැදගත් බවත් ඩොනල්ඩ් ට්රම්ප්ගේ එම
ටෘත් පණිවුඩයේ වැඩිදුරටත් දක්වා තිබෙනවා.
මේ අතර ඩොනල්ඩ් ට්රම්ප් ජනාධිපතිවරයා මැද පෙරදිග කලාපයේ සිතියමක් මත ඇමරිකානු ධජය විහිදුවා ඇති ආකාරය දැක්වෙන සංස්කරණය කළ ඡායාරූපයක් ද සිය ටෘත් ගිණුමට එක් කර ඇති ආකාරය දැකගත හැකියි.
එමෙන්ම ඇමරිකානු ජනාධිපතිවරයා සහ ඊශ්රායල අග්රාමාත්ය බෙන්ජමින් නෙතන්යාහු අතර පැය භාගයක පමණ දුරකථන සාකච්ඡාවක් ඊයේ (17) පැවැත්වූණු බව ඊශ්රායල මාධ්ය වාර්තා කරනවා.
මේ අතර යුද්ධය අවසන් කිරීම සඳහා වන ඉරාන – ඇමරිකා සාම සාකච්ඡා තවමත් ඇණහිට තිබෙනවා.
