ට්රම්ප්ගේ සංචාරයෙන් පසු රුසියානු ජනාධිපති ව්ලැඩිමී පුටින් චීනයට පැමිණීමට නියමිත බව වාර්තා වනවා.
ඒ, අනුව ව්ලැඩිමීර් පුටින් ජනාධිපතිවරයා ලබන 19 සිට 20 දක්වා චීනයේ නිල සංචාරයක යෙදෙන බව ක්රෙම්ලිනය නිවේදනය කර තිබෙනවා.
පුටින්ගේ මෙම නිල සංචාරය තුළ, මොස්කව් සහ බීජිං අතර පුළුල් හවුල්කාරිත්වය සහ උපායමාර්ගික සහයෝගීතාව තවදුරටත් ශක්තිමත් කිරීමට සැලසුම් කරන බවයි ක්රෙම්ලිනය නිවේදනය කළේ.
මේ අතර රුසියාවේ TASS ප්රවෘත්ති ඒජන්සිය වාර්තා කළේ, 2001 වසරේ දී අත්සන් කරන ලද ප්රධාන මොස්කව්-බීජිං ගිවිසුමක් වන යහපත්-අසල්වැසි සහ මිත්රශීලී සහයෝගීතා ගිවිසුම අත්සන් කිරීමේ 25 වන සංවත්සරය සැමරීම සඳහා පුටින්ගේ මෙම සංචාරය සැලසුම් කර ඇති බවයි.
දශකයකට ආසන්න කාලයකින් පසු බීජිං වෙත ඇමරිකානු ජනාධිපතිවරයෙක් පැමිණ ආපසු පිටව ගොස් දිනකට පසු පුටින්ගේ චීන සංචාරය පිළිබඳ පුවත වාර්තා වීම විශේෂත්වයක්.
