රුපියල් දස කෝටි අසූ ලක්ෂයක් වටිනා “කොකේන් ” මත්ද්රව්ය තොගයක් රැගෙන මෙරටට පැමිණි විදේශීය ගුවන් මගියෙක්, කටුනායකට ගුවන් තොටුපොළ පැමිණීමේ පර්යන්තයේ කිසිවක් ප්රකාශ කිරීමට නොමැති “හරිත මාවත” (Green Channel) ඔස්සේ පිටකර ගෙන යාමට තැත් කරමින් සිටියදී රේගු මත්ද්රව්ය පාලන අංශයේ නිලධාරීන් පිරිසක් විසින් අද *(15) දින උදෑසන අත්අඩංගුවට ගෙන තිබෙනවා.
මොහු 60 හැවිරිදි වියේ පසුවන ඉන්දීය ජාතික භූ විද්යාඥයෙක්.
ඔහු මෙම මත්ද්රව්ය තොගය උගන්ඩාවේ කම්පාලා නුවරින් රැගෙන, කටාර් රාජ්යයේ දෝහා වෙත පැමිණ, එතැන් සිට කටාර් ගුවන් සේවයේ කිව්.ආර්.- 664 දරන ගුවන් යානයෙන් අද (15) දින උදෑසන 10.40 ට කටුනායක ගුවන් තොටුපොළ වෙත පැමිණ තිබෙනවා.
ඔහු විසින් රැගෙන ආ ගමන් මල්ලේ, සහතික පත්ර බහාලන ෆයිල් කවර 02 ක් තුළ සූක්ෂම ලෙස සගවා, මෙම “කොකේන් ” මත්ද්රව්ය කිලෝ ග්රෑම් 02 ග්රෑම් 150ක් රැගෙන විත් ඇති බවයි වාර්තා වන්නේ.
මේ පිළිබද වැඩිදුර විමර්ශන කටයුතු සදහා මෙම ගුවන් මගියා සහ ඔහු විසින් රැගෙන ආ “කොකේන්” මත්ද්රව්ය තොගය , කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දීමට පියවර ගෙන තිබෙනවා.
